Ginkalipay ni Senadora Risa Hontiveros ro pagkaaresto it mga otoridad sa puganteng si Apollo Quiboloy.
Suno kay Hontiveros, nga imaw ro nagapangunang nag-imbestiga sa Senado sa mga kasong pag-eabag sa tawhanong kinamatarong ni Quiboloy, hueoyapon eon lang ro mga inadlaw sa ana kara nga paghari-harian, pagbastos sa laye, pang-abuso sa kababayihan, pamatan-on, ag kaparehas nga Pilipino.
Indi sigon madaeaganan ni Quiboloy ro laye ag indi kara madelayed ro hustiya para sa mga inabuso kara.
Pinasaeamatan ni Hontiveros ro mga victim-survivors nga maisog nga naghambae it kamatuoran sa hearing kung siin maabot eon kara nanda ro hustisya makaron.
Saludo man ro mamalidha sa mga law enforcement agencies sa andang dedikasyon sa pihak it mga taktika ni Quiboloy.
Makaron nga naaresto eon si Quiboloy, magapadayon sigon ro imbestigasyon it Senado para matuldukan eon ro sistematikong pag-abuso kara sa mga pinakabulnerable sa sosyudad.
