Nakalatag eon ro security plans and deployment it Aklan Police Provincial Office para sa Undas 2022.
Suno kay PCpl. Leonelyn Artes, tagapaghambae it Aklan PPO nga haom eon ro deployment it PNP personnel sa mga ginakabig nga place of convergence kaparehas sa sementeryo, simbahan ag public transport area partikular ro ports ag terminals.
Raya hay matapos nga ginaeauman ro pagdagsa it mga byahero maghalin sa nagkaeain-eain nga probinsya agud nga dumdumon ro all saints day ag all souls day kaibahan ro andang bilog nga pamilya.
Mag-eowas kara, ro nasambit nga petsa hay long weekend man rason nga maabo kara ro ginapakamayad nga mag-uli anay para makabisita sa andang pinalangga sa kabuhi nga nagtaealiwan.
Ginpahayag dugang nga naka full allert status ro bilog nga hubon it kapulisyahan para magta-o it seguridad sa mga pumueoyo.
Hinyo man kara nga magkooperar ro tanan sa mga inspection nga pagahimuon it otoridad antes nga makasueod sa mga nasambit nga lugar.
Samtang sa pihak nga parte, inde malikawan nga may mga tawo nga magapamintaha it sitwasyon rason nga gina-engganyo gid it pulisya ro tanan nga sikyaron it husto ro andang mga panimaeay ro nakasarado antes nga aywanan.
Kon pwede suno kay PCpl. Artes hay kinahang-ean nga may mabilin gid nga tawo sa sueod it baeay agud nga inde mabiktima it mga tikwian nga eapnaag sa mga makarundaya nga panyempo.
