KALIBO, Aklan—Nagpadaea it “augmentation force” ro Aklan Police Provincial Office ukon APPO sa banwa it Ibajay kadungan it selebrasyon it dag-unan nga Ibajay Ati-Atihan Festival.
Suno kay P/Capt Mark Daryl Villanueva, hepe it Ibajay Municipal Police Station nga mabatyagan eon makaron ro presensiya it mga kapulisan sa mga estratihikong lugar sa bisperas it festival.
Samtang, padayun ro pagpadumdum it kapulisan sa mga maga-simba nga deboto nga indi magpadaea it mga unga nga limang dag-on panaba ag mga magueang kamana man nga likawan ro pagbitbit it mga bagay nga ginabawae partikular ro mga mataeum nga hinganiban , ballpen, sigarilyo ag aeak.
Sa ikaywang sunud-sunod nga dag-on, kanselado ro pilang mga nakasanayan nga aktibidad it ati-atihan version it ibajay bangud sa COVID-19 pandemic partikular ro pagpasundayag it mga tribu, sadsad sa kalye ag iba pa.
Sa pihak kara, magapadayun ro religious activities sa St. Peter the Apostle Church sa Ibajay, apang hugut nga igapatuman ro health and safety protocols.
