KALIBO, Aklan—Batyag eon man maskin it mga negosyante ro pagmahae it mga produkto tuga it sunud-sunod nga pagtaas sa presyo it produktong petrolyo.
Suno kay Edwin Calliboso, sangka negosyante sa banwa it Kalibo nga naghina makaron ro purchasing power it mga pumueuyu eabi eon it mga ordinaryong trabahador nga nagabaton it minimum nga sweldo ag iba pang tag-ana it mga negosyo bangud sa pagmahae it mga baeak-eon.
Imbes nga nagapatong suno kana sanda it kapin sa P100 dati sa mga ginabaligya nga produkto partikular sa kada bag it asukar, harina kamana man sa mantika ag iba pa hay ginpanabaan nanda raya sa P50 hasta P20 agud nga indi maduea-an it customer.
Mataeupangdan man sigon nanda nga pila sa andang mga dating suki hay owa eon nagabakae kanda matapos nga magsarado ro andang nga panaderya sa pagmahae it harina ag asukar.
Bangud sa pagkaduea it mga customer hay naghina man ro andang kita.
