Nagapati si Atty. Plaridel Morania, sangka batikan nga abogado sa probinsya it Aklan nga tama ro naging aksyon it Sandigan Bayan angot sa pagbasura sa mosyon nga gindihon it gobyerno para ideklarang in default ro pitong iba pang defendants sa P2.3 billion ill-gotten wealth case kontra sa pamilya Marcos
Suno kay Atty. Morania nga sandig sa laye ro desisyon ro Sandigan Bayan ag bukon it hinangae ro ginahimo nga pagkolekta it gobyerno.
Tyempo eon sigon agud nga bayaran it mga defendants ro tanan nga gina-demand kanda it gobyerno bangud ro kwarta nga eakip kara hay owa man nanda ginpangabudlayan.
Owa man raya nagapati nga halin eamang sa kita bilang sangka abogado ni dating President Ferdinand Marcos Sr. ro bilyones nga kwarta ag iba pang manggad it anang pamilya.
Una kara, ro Civil Case No. 0010 hay gindihon ko Enero 22, 1987 kung siin ginkuwestyon it gobyerno ro masobra P2.33 billion assets it Marcoses ag it andang co-defendants.
Sa nasambit nga assets hay naeakip ro P1.701 billion nga real properties ag P626.64 million shares of stocks it nagakeain-eain nga korporasyon.
Nasayuran nga hasta makaron hay padayun nga nakikipagsukoe ro pamilya Marcos nga indi sanda magbayad ag padayun ro pag-insister nga owa sanda it saea sa gobyerno ag mga pumueoyo.
