Bilang sabat sa paeaabuton nga La Niña phenomenon, nag-organisa eon ro Barangay Council it Estancia it cleanup operations agud nga mapahagan-hagan ro peligro it pagbaha.
Suno kay punong Barangay Daisy Andrade nga ginhinyu nana ro paglimpyo sa irigasyon nga kaeabanan nga ginapunpunan it basura kon nagabaha.
Nagapatigayon eon man sigon sanda it weekly nga declogging sa mga kanae ag drainage umpisa ko nagtaliwan nga buean sa pagpanguna it mga benepisyaryo it Tupad partikular sa Sitio Libtong nga kun sa siin temporaryo nga ginsarado ro daeanon bangud sa under construction nga karsada.
Nauna kara, nag apela man ro pilang mga residente maeapit sa Lourdes Chapel bangud sa pagtaas it tubi-baha kon magbubu ro mabaskog nga uean kun sa siin apektado ro mga nagasimba.
Ginpahayag dugang nga igadungan man nanda ro paglimpyo sa iba pang mga waterways sa lugar sa uman nga pagpatuman it road clearing operations nga ginamandato it Department of the Interior and Local Government ukon DILG.
