KALIBO, Aklan—Nagpangayo it pagpasaylo ro barangay council it Jugas, New Washington sa dating Kapitan nga si Cezar Alba matapos nga madaeahig ro anang pangaean sa ginhiwat nga Barangay Assembly ko Nobyembre 6.
Raya hay may kaangtanan sa barangay streetlight it Sitio Pueo-pueo nga nautdan it suplay it kuryente.
Suno kay Barangay Treasurer Marilou Redecio nga umpisa nga nagpungko imaw sa pwesto hay sanda nakabaton it electric bill halin sa Aklan Electric Cooperative (Akelco).
Sa ana sigon nga pagpati, nautdan it lina ro streetlight sa tyempo it nagtaliwan nga administrasyon.
Ginklaro man kara nga nasolbar eon ro isyu pinaagi sa installment mode of payment kung siin raya hay magatapos sa Enero 2023.
Agud nga matapos eon ro pag-eapta it mga istorya sa andang barangay, ginpakamayad sigon nanda nga maghimo it sueat nga nagapangayo it pasaylo kay dating barangay captain Alba matapos nga maeakip ro anang pangaean sa isyu.
