Gintakaw it uwa pa makilaea nga suspek ro battery it sangka backhoe nga ginapanag-iyahan it Local Government Unit it Altavas sa Barangay Cabangila, Altavas, Aklan, ku Hunyo 4.
Pahayag ni PSSgt. Richard Villar it Altavas Municipal Police Station nga raya hay nakapark sa gilid it karsada bangud sa may ginahimo nga proyekto.
Pagbisita sigon it naga-operate sa nasambitan nga backhoe nataeupangdan eun lang nga naduea ro nasambitan nga battery ngani nga raya hay nagdangop sa Altavas Municipal Police Station.
Ginapatihan it kapulisan nga mga gabei ukon agahon ginhimo ro pagpanakaw bangud nga hagamit pa raya nga backhoe antes nga ro battery hay maduea ag nagalibot man sigon ro andang mga tropa ag mataeupandan gid kun may nagakatabo sa nasambitan nga bahin it karsada.
Suno kay Villar nga padayon ro andang ginahimo nga imbestigasyon ag profiling sa mga mahimo nga maging suspek.
Dugang nana nga posible nga daywa ro nagbueo sa nasambitan nga baterya bangud nga raya hay mabahoe,mabug-at,mahaba ag 19 ukon 20 plates kesa sa normal nga baterya it saeakyan.
Nakikipagkooperar man sanda sa mga tawo sa lugar ag sa mga junk shop owners bangud raya hay mahimo man maibaligya ag kun mapan-uhan sigon hay mahimo maireport sa mga kapulisan.
