KALIBO, Aklan—Bukon it kumbinsido ro grupo it Bagong Alyansang Makabayan ukon Bayan-Aklan sa pahayag it gobyerno nga duea-on ro 12 percent nga Value Added Tax (VAT) it mga produktong petrolyo.
Suno kay Kim Sin Tugna it Bayan-Aklan, kinahang-ean nga masabat it gobyerno ro kaungdan it andang pahayag angot sa pagbuoe it 12 porsyento nga VAT sa langis ag LPG.
Nasayuran nga nauna eon nga ginpahayag it gobyerno nga ro nasambit nga tikang hay makabulig para mapahagan-hagan ro epekto it mabahoe nga pagtaas sa presyo it LPG ag langis nga ginpatuman makaron nga domingo
Kung siin, ginpahayag man ni Gabriela Partylist Rep. Arlene Brosas nga nagatuga it domino effect sa presyo it mga nagapangunang baeak-eon ro sunud-sunod nga pagtaas sa presyo it mga produktong petrolyo.
Bangud kara, tuyo it House Bill 481 nga obrahon nga exempted sa VAT ro mga produktong petrolyo kapareho it langis ag LPG.
Kun mabo-oe ro 12% VAT hay makatipid ro mga konsyumer it masobra sa P100 pesos sa kada tangke it gasul.
