KALIBO, Aklan—Sa atubang it pinaka-grabeng pagtaas sa presyo it mga nagapangunang baeak-eon partikular it bugas ag pagsirit it presyo it produktong petrolyo, nagapabilin nga inutil ag owa it gina obra nga tikang si Pangueong Ferdinand Marcos Jr. agud nga raya hay masolusyunan.
Suno kay Kim Sin Tugna, provincial coordinator it Bagong Alyansang Makabayan ukon Bayan-Aklan nga owa nataw-an it katumanan ro anang mga ginpromisa sa publiko ag mga mangunguma sa nasyon agud nga mabuligan nga mapataas ro produksyon it paeay.
Bungoe sigon ro presidente sa panawagan nga bawasan ro sobra-sobrang buwis sa langis ag gasolina maskin nga temporary eamang bangud sa sunud-sunod nga pagtaas it presyo kara.
Inutil man sigon imaw sa panawagang kontrolon ro presyo it asukar, ag iba pang pagkaon, ag serbisyo rason nga naga-antus makaron ro publiko.
