Kontra ro naging desisyon ni Pangueong Ferdinand Marcos Jr. sa kun ano ro ginasueong it bilog nga senado parte sa suspension it consolidation.
Ginklaro ni Elmer Forro it Bayan Panay nga uwa man raya ginbasura apang uwa eang raya nagsugot sa nasambitan nga resolusyon ag mas pinili nga dampigan ro pipila nga magabenepisyo eamang.
Ginkakibot man sigon nana ro nasambitan nga desisyon bangud nga uwa it nagkontra sa nasambitan nga suspension sa bahin it senado bangud nga may rason ag problema sanda nga nakita.
Nagapati imaw nga mabaskog sigon ro mga negosyante nga supplier it mga imported mini bus ag mabaskog man ro una sa posisyon nga nagadampig sa nasambitan nga butang.
Pahayag man nana nga uwa it paubrahan it makina sa nasyon apang ro eawas sigon it modernized jeepneys hay mahimo nga iya sa lokal nga bahin himuon apang nagaguwa sigon nga bukon raya it qualified.
Dapat sigon una pa eamang hay ginsiguro eun nga may paubrahan it makina sa nasyon antes ginpatuman ro modernisasyon.
Sa kamatuoran hay nagatao sigon it pautang nga haeos P9 billion ro gobyerno sa mga kompanya it imported mini bus samtang uwa sa lokal.
Sa makaron plano nanda nga magahimo it presscon ag maghimo it protesta ag welga sa August 14-15, hasta sa masunod nga buean.
