KALIBO, Aklan—Maabo eon nga mga naka-consolidate nga traditional jeepney ro gin-drop it andang kooperatba.
Suno kay Elmer Forro it Bayan Panay, maabo sa mga operators ro ginloko ukon ginbudol it mga kooperatiba sa pag-consolidate it andang unit.
Ginkakibot sigon raya it kaabuan bangud nga maabo ro naga-ekspektar nga naka-consolidate ag nakabayad sa mga kooperatiba apang base sa Land Transportation Franchising and Regulatory Board ukon LTFRB hay unconsolidated gihapon sanda.
Suno pa kay Forro, nagapamaeabag sanda it compulsory consolidation bangud nga haeos 95% it mga nagapungko sa poder it mga kooperatiba hay mga kawatan.
Ginaboesa sigon nanda ro ginabayad it maabong mga miyembro ag sanda ro interesado sa pagpatuman it programa.
Sa makaron, limitado eamang ro ginapasugtan nga magbiyahe sa kada ruta ag ginaprayoridad ro mga modernized imported buses.
Pahayag pa ni Forro, magulo ag makaeueu-oy ro mga operator indi eamang ro mga unconsolidated kundi pati man ro mga consolidated.
