Matapos ro pag-eogdang it sangka oil tanker nga MT Terra Nova nga nagtuga it oil spill sa parte it kaeawran nga sakop it Limay, Bataan, ginklaro makaron nga uwa pa ginakonsidera sa makaron ro pagpatuman it fishing ban.
Ginpahayag ni BFAR Spokesperson Nazario Briguera nga nagapadayon ro pagpangisda sa lugar. Sa ginpatigayon nga pagpangusisa it mga tawuhan it ahensya, nag negatibo sa oil traces ro mga nadakpan nga isda sa nasambit nga kaeawran.
Bangud kara, uwa sigon it dapat ikabaeaka ro publiko ag eowas raya sa makaron nga kan-on. Padayon man ro andang ginahimo nga monitoring sa nasambit nga kaeawran.
Nagpakalhit eon man raya it mga tawuhan sa mga pantalan nga maeapit sa nasambit nga kaeawran agud nga magpatigayon it assessment sa mga nadakpan nga isda idto.
