KALIBO, Aklan—Ginpasiguro it Bureau of Fire Protection ukon BFP-Kalibo nga naka alerto sanda sa maabot nga pista minatay.
Suno kay FO2 John Vincent Nufable nga partikular nanda nga ginapadahan ro mga pumueuyu sa pagsindi it kandila , siguraduhon nga antes nga aywan ro panimaeay hay naka-unplug ro mga nakasaksak nga appliances ag i-double check ro mga eahaan ukon daeapugan.
Ginpadumdum dugang it BFP nga ipaeayo ro mga nakasinding kandila sa mga bagay nga madaling maduktan.
Engkaso sigon nga mapabay an hay posibleng maging mitsa it kabuhi ukon trahedya.
Magapatigayon man sanda it rekorida angot sa fire safety ag magapanupod it mga leaflets kamana man nga magapatigayon it inspeksyon sa mga pantalan, terminals, malls, simbahan, ag iba pang mga matawo nga lugar.
Ginapasiguro man nana nga una sa mayad nga kundisyon ro andang mga fire trucks ag mga ambulansiya para sa pag-responde sa mga medical cases ag rescue operation.
Maga deploy man it mga tawuhan sa tatlong mga nagapangunang sementeryo sa banwa it Kalibo.
Makaibahan sigon nanda sa command post ro mga kapulisan, Municipal Disaster Risk Reduction and Management Office ag iba pang augmentation force.
