KALIBO, Aklan—Nagapadayon ro imbestigasyon it Bureau of Fire Protection ukon BFP sa nag-eontad nga sunog sa Brgy. Linabuan Norte, Kalibo.
Suno kay FO1 Mark Gerome Mabacyao it BFP-Kalibo, bandang alas-10:00 it agahon kat nakabaton sanda it tawag halin sa area kon sa siin nagakasunog ro baeay nga ginapanag-iyahan ni Nida Pamatian, 60-anyos ag residente it nasambit nga lugar.
Base sa andang inisyal nga imbestigasyon, uwa it tawo ro baeay nga human sa light materials kat matabo ro insidente.
Natigayon nga nasunog ro pila nanda ka mga kagamitan nga ginakaeakipan it TV, refrigerator ag iba.
Ginatantya nga masobra sa P50,000 pesos ro danyos it nasambit nga sunog
.
Kaangot kara, nagpadumdom sa publiko si FO1 Mabacyao nga antes aywanan ro baeay hay siguraduhon nga naka-unplug sa saksakan ro mga appliances ag inde basta-basta pag-aywanan ro kusina nga nakabukas ro LPG ukon may kaeayo pa ro dapog para malikawan ro sunog.
