KALIBO, Aklan–Nag-umpisa eon nga magpatuman it big-time oil price hike ro mga oil companies sa nasyon epektibo makaron nga adlaw it Martes.
Suno kay Totie Bolina, pump boy it Seaoil Gasoline Station nga pasado alas-6:00 kaina it agahon kat ginpatuman nanda ro oil price adjustment.
Nasayuran nga kapin sa P6.10 ro dugang nga presyo sa kada litro it diesel samtang P1.40 sa gasolina.
Sa makaron, naga-abot eon sa P84.83 ro presyo it kada litro it diesel samtang P77.65 ro special gasoline ag P76.90 ro unleaded.
Grabe eon suno kana nga pagtipid ro ginahimo it mga motorista eabi pa ag nagbukas eon ro klase.
Maabu sigon ro nagpahayag nga mas ginataw-an nanda it prayoridad ro pang adlaw-adlaw nga kinahang-eanon it andang estudyante kaysa maggastos it mabahoe sa petrolyo.
