KALIBO, Aklan–Naputos it kasubo ro bilog nga United Kingdom matapos ro pagkamatay ni Queen Elizabeth II ko Setyembre 8.
Suno kay Bombo International Correspondent Merelyn Irabon Ibabao it United Kingdom nga maabu nga mga tawo ro nag-adto sa palibot it Buckingham Palace ag Windsor Castle matapos mabalitaan ro pagtaliwan it reyna.
Napalanggaan sigon it mga tawo si Queen Elizabeth bangud sa manami kara nga pagdumaea sa bilog nga Britanya.
Ginataw-an man nanda raya it mabahoe nga pagrespito ag indi nanda pagkalipatan ro mga hinimuan kara sa sueod it pitong dekada nga pagpungko sa trono.
Si Queen Elizabeth hay nabugtaan it ginhawa sa Balmoral Castle sa Scotland.
Ro unga kara nga si King Charles III ro nakataeana nga magabaylo sa trono.
Nagaeaum man ro mga pumueoyo nga maipadayun it hari ro legasiya it anang ina.
