KALIBO, Aklan—Preparado eon ro bilog nga pwersa it Aklan Police Provincial Office sa nakataeana nga pagbukas it klase hin-aga nga adlaw it Lunes, Hunyo 16 para sa school year 2025-2026.
Suno kay P/Capt. Aubrey Ayon, tagapaghambae it Aklan PPO nga haom eon ro 17 municipal police stations sa pagsikyar it peace and order para sa pagsueod it libo-libong mga estudyante sa kada banwa.
Mag-eowas sa mga nakadeploy nga PNP personnel, may nakataeana man suno kana sa mall, establisyimento ag iba pang baligyaan nga magahingabot sa last minute shopping it mga school supplies.
Ginpasiguro man ni PCapt. Ayon nga magabantay ro andang bilog nga hubon para sa kaeowasan it mga estudyante ag maging it mga manugturo ag mga ginikanan nga magahatod-sueang sa andang mga estudyante sa eskwelahan.
Eauman man suno kana it publiko ro syento porsyento nga monitoring ag police visibility sa mga nasambit nga lugar.
