Sa pagduea it storm signal sa parte it Mindoro, Romblon ag Batangas, bangud sa bagyo “Aghon”, ginpasugtan eon it Philippine Coast Guard-Aklan nga magbiyahe ro mga roro vessels ag baroto.
Suno kay Chief Petty Officer Russel Relator , chief master at arms it PCG-Aklan nga alas-2 kaina it aga-aga kat ginduea eon ro storm signal sa nasambit nga mga lugar rason nga balik eon sa normal ro biyahe it mga baroto paagto sa Romblon ag mga roro nga naga-biyahe halin sa Caticlan paagto sa Mindoro ag Batangas vice versa.
Ginpahayag dugang nga bangud nga owa man it ginpasaka nga storm signal sa Aklan, bukon it apektado ro biyahe it mga motorboat patabok ag paguwa it isla it boracay apang ginsaylo sa tabon-tambisaan port ro biyahe bangud sa mabaskog nga humbak para sa kaeowasan it mga pasahero.
Nasayuran nga bangud sa pagpanaeasa it bagyo hay pilang pasahero ro na-stranded sa Caticlan Jetty Port.
