Ginsuhesiyon it sangka mamalidha nga dapat kaibahan eon sa outfit of the day (OOTD) ro pagsuksok it body camera it mga miyembro it Pambansang Pulisya ag iba pang law enforcement agencies nga kaibahan sa drug bust operations.
Ro panawagan hay ginhimo ni House Deputy Speaker Ralph Recto bangud ro video recording sigon it aktuwal nga operasyon hay makabulig para makasuhan ro mga suspect, mataw-an it commendation ro mga pulis ag madakpan ro mga eakot sa pagpanuhoe.
Ginpahayag nga barato makaron ro mga device ag malisod baliskaron kung dokumentado ro mga pag-aresto sa isyu it iligal nga droga.
Mas manami nga may resibo bangud malisod balibaran ro mga ebidensiya sa video recording sa bodycam ag dashcam.
Gin-insister it mamalidha nga kung tree planting ag gift giving it mga presinto, naka-Facebook live, apang kung sa pag-aresto sa mga salot ot sosyodad hay owa it anumang coverage.
