-- ADVERTISEMENT --
KALIBO, Aklan — Ginpangaeanan ro sikat nga Boracay Island bilang ika-ap-at nga “best island” sa Asia-Pacific.
Kaibahan ro pinakapopular nga beach destination sa listahan it Best Islands in Asia Pacific category sa Travel + Leisure Luxury Awards Asia Pacific 2024.
-- ADVERTISEMENT --
Kaibahan man ro Boracay sa listahan ko nagtaliwan nga dag-on sa ika-limang pwesto, samtang ikatlo ro Palawan.
Gindeklara ro isla it Koh Samui sa Thailand bilang best island sa Asia-Pacific makaron nga dag-on.// ginsundan raya it Bali sa Indonesia.
Suno kay Malay Mayor Frolibar Bautista, ginaeauman nanda nga mas maabung turista sa Boracay makaron nga dag-on.
Ko 2023, may kabilugan nga 2.1 milyong foreign ag domestic tourists ro nagbisita sa Boracay.
