KALIBO, Aklan—Ginkalipay ni Aklan Governor Florencio Miraflores ro report it Department of Tourism ukon (DOT) nga ginatawag nga Philippine travel survey: Insights on Filipino travel behavior post-COVID-19, kun sa siin, nagapanguna ro isla it Boracay sa listahan it mga lokal nga destinasyon nga gustong agtunan it mga Filipino engkaso nga pasugtan eon it uman ro leisure travel sa nasyon.
Suno sa Gobernador nga sa makaron hay haum eon ro isla sa pagbaton it mga turista engkaso nga boe-on eon ro ginapatuman nga mga restrictions bangud sa COVID-19.
Raya hay napamatud-an eon sigon sa ginpatigayon nga gradual reopening para sa mga turista halin sa Western Visayas ko Hunyo 16.
Kaibahan sa gintaw-an kara it prayoridad ro pagpasiguro sa ikamayad nga eawas ag kaeowasan it mga turista.
Ngapabilin nga instrikto suno kana ro pagsueod sa boracay agud nga ma-maintain ro anang COVID free status.
Sa pihak nga parte, ginkumpirma ni Governor Miraflores nga nagapabilin nga bukas ro border controls pasueod sa Aklan.
Apang hugut sigon ro andang monitoring sa pagkalhit it kaso it covid-19 sa mga kaiping nga probinsiya sa Region 6.
Mas pang ginhugtan ro security measures, kun sa siin, tanan nga mga nagasueod ag nagaguwa nga mga biyahero hay kinahangean nga magpalista para sa madasig nga contact tracing.
