Iga-sarado eon ro border it probinsya it Aklan umpisa sa adlaw it Lunes, Hulyo 27.// raya ro ginpahayag ni Jun Agravante, presidente it Livestock, Hog, and Poultry Association.
Suno kana, sa ginpatigayon nga meeting nga ginpangunahan it Office of the Provincial Veterenarian (OPVET) ku adlaw it Huwebes, ginpaabot ro tuyo nga pagsarado it mga border agud nga malikawan ro pagkalhit it African Swine Fever (ASF) sa mga alaga nga baboy it mga lokal nga hog raisers.
Mageuwas kara, gintalakay man sigon it OPVET nga may an-om nga kabanwahan, kaibahan eon ro banwa it Kalibo, ro ginadudahang may kaso it nasambit nga masakit tuga eon man it mga na-reprt nga pagkamatay it andang mga alagang baboy. Apang, uwa pa raya it confirmatory testing kaya uwa pa raya opisyal nga gindeklara.
aathag nana, posibleng naging rason it uwa pagpatigayon it confirmatory testing hay ro uwa pag-report it mga hog raisers tuga eon man it kabaeaka nga basi madamay pa ro una sa sueod it 500 meter radius.
Mabahoe sigon ro magiging epekto it pag-sarado it mga borders bangud nga indi eon makasueod ro mga produkto halin sa ibang probinsya ag maga-salig eon lang sa lokal nga suplay ro probinsya.
Padumdum man nana sa mga hog raisers nga padayunon eamang ro pag-alaga bangud nga may mga tikang nga ginahimo para nga masustineran ro andang pangabuhian.
