Nakabantay ro Commission on Human Rights (CHR) sa mga development ag nagahimo it imbestigasyon sa mga mahimo nga pageabag sa tawhanong kinamatarong sa pagpatuman it warrant of arrest kontra kay Kingdom of Jesus Christ (KOJC) founder Pastor Apollo Quiboloy.
Tan-awon it komisyon kun naeabag it mga operasyon it pulisya ro kinamatarong it mga tawo sa kahilwayan sa relihiyon paagi sa pagbawae sa pagsueod sa andang simbahan.
Ginpamilit pa it CHR nga ro operasyon it pulisya hay dapat nga ro pagserbi eamang it warrant of arrest, bukon it sangka search warrant ag nagakadapat nga permi himuon base sa layi, insakto nga mga sueondan ag mga prinsipyo it tawhanong kinamatarong.
Samtang, gin-engganyo man it CHR si Quiboloy nga atubangon ro mga kaso ag sugtan it mga miyembro it KOJC ro mga pulis nga magserbi it warrant of arrest.
