KALIBO, Aklan — Igapatuman it Bureau of Fisheries and Aquatic Resources (BFAR) 6 ro ‘closed season’ ukon ro pagbawae sa pagpangisda sa Visayan Sea sa sueod it tatlong buean umpisa sa Nobyembre 15,2024 hasta Pebrero 15, 2025.
Tuyo kara nga mataw-an it tiempo sa andang pagpangitlog ro mga importante nga klase it isda eakip eon ro sardinas, tamban ag mackerels kamana man nga mapadayon ro pag-abu it mga isda sa Visayasan sea.
Angot kara gin-anunsyo ni BFAR 6 Regional Director Remia Appari nga may pagahiwaton sanda nga send-off activity, dialogue ag information and education campaign sa Nobyembre 14 sa Estancia, Iloilo bilang preparasyon sa pagpatuman it pagbawae sa pagpangisda.
Ginaeauman nga magapasakop sa aktibidad ro 130 nga mga partisipante nga ginaeakipan it mga law enforces, mga katapo it inter-agency task force ag stakeholders.
Sakop it ‘closed season’ ro maeapad nga lugar, eakip eon ro national ag municipal waters it Masbate, Capiz, Iloilo, Negros Occidental, ag Cebu.
