Kalibo Aklan ——Maga-umpisa eun makarun nga adlaw ro pagpatigayon it COVID -19 vaccination Barangay dialogue it lokal nga gobyerno sa banwa it Kalibo.
Raya hay kaparte it andang tikang agud ma-engganyo ro pumoeuyo it banwa nga magpabakuna kontra sa coronavirus disease 2019 (COVID-19).
Suno kay Liga ng mga Barangay President ag Pook Barangay Kapitan Ronald Marte nga magalibot sa tanan nga kabarangayan sa banwa it ro mga tawuhan it Municipal Health Office (MHO), Department of Interior and Local Goverment (DILG) Department of Social Welfare and Development (DSWD), si Municipal information officer Arra Vargas ag Kalibo Mayor Emerson Lachica.
Kaibahan sa pagatalakayon sa nasambitan nga aktibidad hay ro pagtao it impormasyon sa publiko kung siin do lugar nga igataeana para sa pagbakuna, anong klase it bakuna nga ginatao, accuracy ag ro magiging epekto kara sa sangka indibidwal nga maturukan.
Samtang ginpahayag man ni Marte nga napagdesisyunan nanda raya matapos ro manaba nga turned out sa ginpatigayon nga survey sa mga pomeuoyo nga gustong mag-avail it COVID-19 vaccine.
Samtang, gin-engganyo man kara ro mga Kalibonhon nga magpabakuna agud nga uman nga makabangon ro ekonomiya ag mapabilin nga euwas sa paeag it makamaeatay nga virus nga COVID-19.
