Kalibo Aklan ——Hugut sa gihapon nga ginapatuman ro social distancing sa Kalibo Public Market .
Nasayuran nga ginmarkahan ro karsada kun sa siin nagapila ro mga nagabakae agud nga masiguro nga nagasunod ro tanan sa social distancing.
Nagagamit it megaphone ro nagabantay sa entrance agud nga eubus nga mabatian ro mga patakaran nga ginapatuman.
Raya hay kasunod it pagbuhos it mga bumaeakae matapos nga ipaidaeum eon ro Aklan sa General Community Quarantine .
Hugut man nga ginapatuman sa tindahan ro implementasyon nga ‘No Face Mask, No Entry’ policy ag ro ‘One Entrance, One Exit policy.
Raya hay agud nga malikawan ro pagkalhit it coronavirus disease (COVID-19) sa pampublikong merkado.
Kaibahan man kara ro dere-deretso nga thermal scanning sa mga bumaeakae ag sa kada nagasueod sa tindahan .
Gina-require man gihapon ro pag-presentar it quarantine pass antes nga makasueod .
