POLICE Report — Arestado ro sangka eaeaki matapos nga himuslan ro 15-anyos nga dalagitang kaeapitbaeay sa banwa it Abellana sa Cebu, City.
Nakakulong makaron sa lock-up cell it Abellana Police Station, ro 21-anyos nga suspek nga gintago sa pangaean nga Tagoy, taga-Barangay Sambag 2.
Base sa report it pulisya, bandang 3:36, hapon it Sabado kat natabu ro insidente sa sueod it comfort room it suspek sa nasambit nga lugar.
Sa reklamo it biktimang si alyas Albina, nakabaton imaw it mensahe sa social media halin sa suspek ag ginapa-agto imaw kara bangud nga may anang igatau.
Suno kana nga bangud nga kaeapitbaeay ag kilaea man kara ro suspek hay kumpiyansa imaw nga nag-agto sa baeay apang pag-abot nana hay insigida imaw nga ginpa-sueod sa CR.
Sa pag-eaum nga sorpresa ro igatau it suspek hay madasig imaw nga ginsundan sa banyo ag dayun nga gin-lock ro pwertahan.
Insigidang nag-agto sa andang barangay ro biktima agud nga magpangayo it bulig nga nagresulta sa pagka-dakop sa suspek.
Gindaea ro biktima sa Pink Room sa Vicente Sotto Memorial Medical Center para ipaidaeum sa eksaminasyon samtang nakataeanang pasakaan it nagakaigo nga kaso ro suspek.
