Gindepinsahan ni dating PNP chief Camilo Pancratius Cascolan ro anang appointment bilang undersecretary it Department of Health (DOH).
Bukon eon man sigon it bag-o para kay Cascolan ag makaron hay bag-ong gin-iliher bilang Undersecretary it Department of Health (DOH) ro magdumaea nga may kaangtanan sa ikaayong eawas.
Ginhimu ni Cascolan ro pahayag kasunod it pagbaton nana nga magdumaea sa pilang sektor.
Gin-insister ni Cascolan nga ro pagdumaea sa ikaayong eawas hay bukon eamang it puro may kaangtanan sa medical knowledge ukon, maabo nga mga doktor sa institusyon rason nga importante man sigon ro pagbalanse sa science and management and strategy.
Nagapati si Cascolan nga mabahoe nga bulig sa Department of Health ro anang expertise eabi eon gid administration, management and strategic planning.
Ginpabugae it dating PNP chief ro mga nahimu kara tag kasagsagan it COVID-19 pandemic sa nasyon.
Ginpahayag dugang pa ni Cascolan ro pila sa mga nahimu kara eabi eon gid sa pagsabat sa COVID-19 kapareho it pagconceptualize it Covid Task Force ag maging ro Administrative Support to Covid-19 Task Force (ASCOTF) it PNP.
Ginbilog man sigon nana ro Medical Reserve Force sa PNP nga nag-facilitate it RT-PCR Testing sa MOA Arena, PICC ag Ultra Quarantine areas.
Gin-umpisahan man ni Cascolan ro implementasyon it COVID protocols tag sa initial stage pa ro nasyon sa pandemya.
Ro anang mga na-eksperyensya sa ground ag ro pakikipag-angot sa mga LGUs ro sambilog sa mga factor nga maipaeapit ro departamento sa mga tawo.
Si Cascolan hay miyembro it PMA Class of 1986 ag mistah kara nana si Senator Ronald Dela Rosa.
Antes nga imaw hay gin-iliher bilang undersecretary it DOH imaw ro Executive Director it Anti-Terrorism Council- Program Management Center hasta sa makaron.
