Ginkalipay ni Pampanga 2nd District Representative ag dating pangueong Gloria Macapagal Arroyo ro naging desisyon ni Pangueong Ferdinand Marcos Jr. nga daeayong ibawae ro Philippine Offshore Gaming Operators (POGO).
Raya hay matapos nga uwa nakakapanipueos ro nasyon sa nasambit nga Philippine Offshore Gaming Operators.
Nagapati si Arroyo nga sayod it Presidente kon anu ro makapamayad rason nga umabot sa makaraya kabahoe nga desisyon ro Punong Ehekutibo.
Uwa ginkaila it mamalidha nga maabong Philippine Offshore Gaming Operators gihapon ro naga-operate sa anang distrito.
Madumduman nga maabong nagapanawagan sa presidente nga i-ban ro kontrobersyal Philippine Offshore Gaming Operators sa nasyon kon sa siin mismo sa anang State of the Nation Address, kahapon nga adlaw it Lunes hay uwa napas-eawan ro mga nagaduso nga ibawae raya sa nasyon matapos nga ginsambit mismo it Punong Ehekutibo sa anang diskurso nga epektibo kahapon nga adlaw hay banned eon ro Philippine Offshore Gaming Operators sa nasyon.
