Gin-almahan ni dating presidential spokesman Atty. Harry Roque ro Immigration Lookout Bulletin Order (ILBO) nga ginpaguwa kontra kana.
Suno kay Roque, klaro nga harassment eamang ro ginahimo kana.
Gin-insister kara nga ro ginaeapog nga ebidensya kontra kana hay ro pag-iba nana kay Katherine Cassandra Li Ong para magpa-reschedule it arrears payment ag ro uwa ma-establish nga organizational chart nga basta eon lang ginbutang ro anang pangaean.
Gin-akusahan pa nana nga ro mga nagaduso it kaso nga “witch hunt” ro mga ginahimo nga imbestigasyon.
Nagapati man imaw nga gusto eamang nga pahipuson ro mga kritiko it administrasyon.
Natabo ro mga makarundaya nga pagkadaeahig kana sa mga isyu halin kat magpanawagan imaw nga himuon nga drug-free ro Malacanang, kapin eon ag may rebelasyon ro sangka eyewitness nga si Cathy Binag.
Gin-insister pa ni Roque nga uwa it rason para sa sangka lookout bulletin bangud nga uwa imaw it planong aywanan ro Pilipinas.
