INTERNATIONAL News — Daywang katawo ro namatay samtang limang iba pa ro naninahan sa insidente it pagpamaril nga natabu sa sueod it Flrida State University (FSU).
Suno kay FSU Chief of Police Jason Trumbower, nadakpan ro suspek matapos nga mabaril it mga rumespondeng pulis, kun sa siin sa makaron hay padayun nga ginabueong sa ospital.
Nakilaea ro suspek nga si Phoenix Ikner, 20, unga it sangka deputy sa Leon County Sheriff’s Office.
Sa paunang imbestigasyon, nasayuran nga ro mga baril nga ginamit sa insidente hay posibleng nabo-oe halin sa ginatrabahuhan it anang ina sa sheriff’s office.
Nasayuran pa nga maeapit ro kaangtanan ni Ikner sa nasambit nga opisina bangud sa anang pagpasakop sa pilang mga training program kara.
Narekober it pulisya ro sangka handgun ag shotgun halin sa suspek sa sueod it student union office it unibersidad.
Sambilog pang baril ro nakit-an sa anang saeakyan.
Padayun pa ro imbestigasyon it mga awtoridad angot sa motibo it insidente.
Bangud sa hitabu, ginsuspinde it unibersidad ro tanan nga klase ag aktibidad sa campus sa sueod it daywang adlaw.
Ginpahayag ni FSU President Richard McCullough nga magatau ro unibersidad it suporta sa mga pamilya it mga namatay ag naninahan.
Ro Florida State University, nga makit-an sa Tallahassee, hay may una nga masobra sa 42,000 nga mga estudyante.
