KALIBO, Aklan—Eowas ag una sa mayad nga kondisyon ro mga sakay kaeakip ro tatlong ka mga onga it daywang ka baroto nga nagtik-eob sa baybayon nga sakop it Brgy. Tambak, New Washington.
Suno kay Junel Villanueva, sambilog sa mga sakay sa baroto nga tuyo nanda nga magboating paadto it Buswang apang uwa pa sigon sanda nakapaeayo sa andang ginhalinan hay gulpi eamang nga nagtik-eob ro andang ginasakyan nga baroto bangud nga uwa nagbalance ro mga pasahero kara.
Ro sambilog pang baroto nga kaibahan nanda hay hana kunta nga magrescue kanda apang maskin raya hay nagtik-eob man bangud nga uwa man nagbalanse ro mga sakay kara.
Ginpahayag dugang ni Villanueva nga insigida nandang ginsalbar ro mga onga nga naga edad it an-om hasta pitong dag-on.
Uwa it masyadong humbak sa nasambit nga baybayon ag kapin sa napueong metro eamang ro kaeayuon halin sa bibi it baybayon nga andang gintik-eoban.// ro mga baroto nga andang gingamit hay ginapanag-iyahan nanday Arlo Mabini ag Stephen Dela Cruz.
