Temporaryong ginkustudiya it lokal nga gobyerno it Kalibo pinaagi man sa Municipal Social Welfare and Development Office ukon MSWDO ro daywang ka mga indibidwal nga may deperensya sa paino-ino sa dating covid-19 facilities sa may bahin it motorpool.
Raya hay matapos nga maabo eon ro andang naperwisyo sa banwa it Kalibo.
Suno kay Kalibo Auxillary Police ukon KAP member Rodel Reyes, 24 oras sanda nga nakabantay sa nasambit nga lugar kon siin ro pasilidad hay may c.r ag eogban.
Ro daywa sigon hay may supply man nga pagkaon halin sa LGU ag ginasikyar man sanda permi it staff it Municipal Health Office.
Nasayuran nga gindesisyunan nga isueod sa nasambit nga pasilidad ro daywa bangud nga maabo eon ro reklamo angot kanda partikular kay panie nga nakakaperwisyo it maabong tawo.
