Magalunsar ro Department of Agriculture (DA) it sangka grabeng kampanya kontra sa rice pricing manipulation matapos nagguwa ro mga report it pang-abuso it pilang mga negosyante ag retailer nga nagaresulta it pagpamentaha sa mga bumaeakae sa Pilipinas.
Suno kay DA Secretary Francisco Tiu Laurel Jr. nga may una sanda nga bastanteng rason agud magapati nga may pilang mga negosyante ag retailer nga ginhungod nga ginapalito ro mga bumaeakae sa pinaagi it paggamit it mga branded nga imported nga bugas agud pataason ro presyo, matapos magpatigayon it mga pag-usisa sa merkado.
Bilang kaparte it solusyon, ginsuhestyon ni Laurel ro pagkakas it mga brand label sa mga imported nga bugas.
Ro mga bugas nga lokal nga ginatanom hay bukon it sakop it nasambit nga mando agud protektahan ro mga mangunguma ag andang mga negosyo.
Suno sa DA, ro mga datos halin sa rice supply chain hay nagapakita eon ro mark-up nga P6 hasta P8 kada kilo halin sa landed cost it imported nga bugas hay bastante eon agud makabuoe it tamang kita.
