Kalibo Aklan———-Ginpasiguro it Department of Education (DepEd-Aklan) nga haum eon ro tanan nga eskuwelahan sa bilog nga probinsya it Aklan nga pagagamiton nga polling center sa nagahilapit nga National and Lokal Election sa Mayo 9.
Padayon ro ginapatigayon nga pagtutuk it mga manugturo sa pagpahum ag pagtumod it mga kinahangeaon para sa nasambit nga eleksyon.
Suno kay Dr. Miguel Mac Aposin, Schools Division Superintendent DepEd-Aklan nga padayon sa pagpahaum ro mga manugturo nga magaserbi para sa pagpatuman it mahilway nga eleksyon.
Umpisa sigon sa sabado, Mayo 7 maga-umpisa eon ro mga aktibidad it COMELEC partikular ro final testing ad sealing it mga VCM.
Dugang pa ni Aposin nga may nagakaigo nga allowances maghalin sa COMELEC nga pagabatunon ro mga manugturo.
Ro nasambit nga allowances sigon hay igapanupod pagkatapos it eleksyon.
Madumduman nga umpisa ku nagtaliwan nga mayo 2 asta it mayo 13 ginsuspende ro klase bangud sa ginapatutuk anay ro mga manugturo sa andang mga election duties.
Samtang,magabalik man ro klase sa Mayo 16, adlaw it Lunes sa tanan nga lebel sa mga pampublikong eskwelahan .
