Kalibo Aklan ——Nagaeaum ro Department of education (DepEd-Aklan) nga sa masunod nga mga panyempo hay makabisita man sa probinsiya ro bag-ong OIC Regional Director it DepEd nga si Dr. Ramir Barberan Uytico.
Suno kay Dr. Miguel Mac Aposin , Schools Division Superintendent it DepEd-Aklan nga si Dr. Uytico hay naghalin sa Regional Office 8 kun sa siin nagbaylo sanda it assignment ni dating Regional Office 6 Director nga si Dr. Gemma Ledesma.
Ginpaathag ni Dr. Aposin nga ro nasambit nga tikang hay kaparte it reshuffling ukon rigodon it andang Regional officials sa bilog nga nasyon sa tunga it nagapadayun nga pandemic kun sa siin ro education system it nasyon hay nag-adopt it blended learning system.
Samtang, gindugang pa kara nga si dating Assistant Schools Division Superintendent Niro Nillasca hay gin-transfer ag naka-assign makaron sa Capiz ag ro nagbueos kana hay si Samuel Malayo nga naghalin sa Region 7.
Sa pihak nga parte, gindugang pa ni Dr. Aposin nga ro school year 2020-2021 hay magatapos pa sa buean it Hunyo .
Sa makaron sigon hay naka-adjust eon ro tanan sa blended learning ag bastante eon man ro mga learning materials.
