KALIBO, Aklan—Ginpunto ni Assistant School’s Division Superintendent Dr. Jose Niro Nillasca it Department of Education ukon DepEd Aklan nga uwa it matabo nga face to face classes sa pagbukas it klase sa Agosto 24 para sa school year 2020-2021 hasta nga uwa it bakuna nga madiskubre para sa Covid-19.
Raya hay kasunod sa naging anunsyo ni DepEd Sec. Leonor Briones nga haom sanda sa anumang hangkat kaangot sa nakataeanang implementasyon it mga alternatibo sa pisikal nga mga klase, kaparehas it online ukon modular learning para sa nagahilapit nga pagbukas it klase.
Ginpaathag ni Dr. Nillasca nga kon online classes ro pagahimuon it sangka manugturo, posible nga magagamit ro mga estudyante it gadgets kaparehas it laptop, computer, tablet ukon cellphone nga magakonekta sa internet.
Apang, kon uwa it kaparehas kara nga kagamitan ro kaabuan sa mga estudyante hay posible nga ipaagi ro pagtinueon-an sa radyo ukon telebisyon.
Mag-eowas kara, may una man nga modular learning kon sa siin igadeliver sa tagsa ka panimaeay it mga estudyante ro modules nga pwede nanda matun-an.
Gin-insister sigon it DepEd nga pagagamiton nanda ro nagkaeain-eain nga pamaagi sa pagtueon-an para maihatod eamang sa mga estudyante ro andang mga lesson maskin sa tunga pa it pandemya.
Una kara, nagpanindugan ro DepEd nga bukon eon it bag-o ro pagpatuman it blended learning sa sektor it edukasyon sa nasyon.
