NATIONAL News — Dapat gihapon nga itau ro 20% discount sa person with disability (PWD) maskin nga pilang beses raya nga nagbakae it mga pagkain basta para sa anang eksklusibong konsumo.
Base sa ap-at nga panig nga legal opinion it Department of Justice (DOJ), igatau ro diskwento ag exemption sa value added tax (VAT) sa kabilugan nga kantidad it pagkain nga ginbakae.
“In other words, in purchase of a group meal which is ideally for food sharing, if it can be clearly determined that it was for the exclusive use, enjoyment, or availment of only one person who is a PWD… then the 20% discount and VAT exemption should apply to the total amount of food purchased,”nakabaehag sa legal opinion.
Suno sa DOJ, nakabutang sa Section 6 it implementing rules and regulations it “An Act Expanding the Benefits and Privileges of PWDs,” ro benepisyo sa pagbakae it maskin anong goods ag serbisyo hay esklusibong para eamang sa PWD.
May una man nga memorandum circular ro Department of Tourism nga ro 20% discount ag VAT exemption hay para eamang sa PWDs.
Ginpaguwa it DOJ ro nasambit nga legal opinion bangud sa hinyu ni National Council on Disability Affairs (NCDA) Executive Director Glenda Relova.
Nagpangayo ro NCDA it pagklaru kon sakop it nasambit nga benepisyo ro tanan nga pagkaon ag ilimnon nga ginabakae it PWD maskin nga ano pa raya kaabu.
