KALIBO, Aklan—Ginpaathag ni Niezel Sabrido, tagapaghambae it Department of Labor and Employment (DOLE) region VI nga employer eamang ro pwede nga mag-apply ag maka-proseso it mga requirements nga ginapangayo it ahensya para sa andang mga empleyado agud nga maka-avail it P5,000 nga financial assistance.
Raya hay may kaangtanan sa andang programa nga COVID-19 Adjustment Measures Program ukon CAMP.
Suno kana, bukas ro DOLE nga magbaton it mga applications it mga employer sa pribado nga kompaniya nga nagpatuman it flexible working arrangement ag temporaryo nga nagsarado tuga it tikang nga ginhimo it gobyerno agud nga mapunggan ro pagkalhit it 2019 coronavirus disease.
Suno pa kay Sabrido, tanan nga mga displaced workers hay makabaton it financial assistance provided nga ro andang employer hay kinahang-ean nga makapasa it DOLE Establishment Report on the COVID-19 Form ag company payroll kon sa siin ginpatuman ro flexible working arrangement ag temporary closure.
Ginpahayag dugang nga ro programa it DOLE hay may katuyuan nga mabuligan ro mga empleyado nga nawad-an it trabaho.
