KALIBO, Aklan — Posible eon mabuoe it mga recipients it Boracay Emergency Employment Program (BEEP) ro andang bulig pinansiyal maghalin sa Department of Social Welfare and Development (DSWD).
Suno kay Carmella Abellar, DOLE-Aklan officer-in-charge nga base sa andang pinaka ulihing department order, tanan nga mga apektadong trabahador sa Boracay bisan ano pa ro andang status hay makabaton it P4,200 kada buean ukon 50 percent it andang sang buean nga sweldo sa sueod it an-um nga buean.
Ginapatuman man sigon it DOLE ro mas simpling guidelines, kung siin ro mga BEEP beneficiaries hay required nga magsumiter it daywang job contacts ag sambilog nga training para sa an-um nga buean nga duration.
Ro tanan nga mga formal sector workers ukon may mga employers hay qualified nga mag-apply para sa BEEP-AMP.
Ginpadasig eon man it DOLE ro pag-release it financial assistance sa mga qualified applicants.
Kapin sa 11,000 applications ro aprubad it DOLE.
