Nakibot ro mga nakasaksi sa pagbagbag it eroplano sa paeoparan it Aktau, Kazakhstan.
Sangka Azerbaijan Airlines (AZAL) plane nga naga-operate it flight J2-8243 halin Baku paadto it Grozny ro bumagbag via emergency landing.
Kapin sa 67 ro sakay nga ginakaeakipan it 62 nga pasahero ag limang crew members.
Suno sa mga inisyal nga report, ro pagbagbag hay daea it pagsunggab sa mga pispis ukon bird strike.
Bangud sa madamoe nga fog sa Grozny airport, ro eroplano hay unang na-redirect sa Makhachkala ag pagkatapos hay sa Aktau.
Sa oras it emergency landing, uwa nakabaton it clearance ro crew agud maghugpa sa Grozny.
Ro mga pasahero hay halin sa nagkaeain-eain nga nasyon nga ginakaeakipan it 37 halin sa Azerbaijan, 16 halin sa Russia, 6 halin sa Kazakhstan, ag 3 halin sa Kyrgyzstan.
Nagpahayag it simpatiya ro airline company sa mga pamilya it mga biktima ag ginpasiguro nga magatao it tanan nga kinahang-ean nga suporta.
Padayon ro imbestigasyon sa minatuod nga rason it pagbagbag.
