KALIBO, Aklan—Nagpanindugan si Atty. Axel Gonzalez, sangka kilaea ag batikang abogado sa Aklan nga owa it saea ro provincial government sa natabo nga pagdueogsuan it mga tawo kahapon sa Capitol ground para makabuoe it educational financial assistance.
Ginpahayag ni Atty. Gonzalez nga ro national government partikular ro Department of Social Welfare and Development (DSWD) ro nakaangkon it kakueangan sa daeagan it distribusyon it ayuda.
Dapat suno kana nga nakipag-coordinate sanda sa mga lokal nga gobyerno ag Department of the Interior and Local Government (DILG) para sa mas maayos nga proseso.
Sa pihak kara, duda man si Atty. Gonzalez nga maibalik pa ro kwarta it mga nauna nga nakabaton it ayuda eabi eon ro mga miyembro it 4Ps ag iba pang scholar it gobyerno.
Raya hay kasunod it anunsyo nga bukon it kwalipikadong magbaton it educational assistance ro mga natungdan nga indibidwal.
