KALIBO, Aklan—Ginpanugyan it Department of Trade and Industry ukon DTI nga maging mausisa sa mga produkto nga ginabakae sa mga shopping malls ukon iba pang establisyimento.
Raya hay maskin nga may nagairal nga consumers protection act agud nga malikawan ro disturbo engkaso gidman nga may makit-an nga depektibo sa produkto.
Ginpaathag nga tatlong ka R’s ro nagairal nga ginakaeakipan it repair, replacement of new item ag refund.
Apang, bibihira eamang nagakatabo ro pag-refund sa kwarta it mga konsumidor rason nga kinahang-ean nga maging mausisa sa mga ginabakae nga produkto agud nga idto mismo sa baligyaan hay insigidang mabayluhan kon bukon it kumbinsido sa produkto nga ginabakae.
Mag-eowas kara, dapat inde gid maduea ro official receipt ukon resibo bangud nga maging ebidensya raya it consumer nga idto mismo sa nasambit nga establisyimento ginbakae ro produkto kamana man magiging proteksyon man raya sa parte it seller.
