Dugang nga P500 sa social pension it mga senior citizen, owa pa naeakip sa national budget makaron nga dag-on

KALIBO, Aklan–Ginklaro ni Kalibo Sangguniang Bayan member Augusto Tolentino nga owa pa naeakip sa gin-aprubahan nga P5.268 trillion nga national budget makaron nga dag-on ro dugang nga P500 para sa social pension it mga senior citizen.

Raya hay sa pihak nga aprubado eon ro Republic Act 11916 kung siin halin sa dating P500 hay magasaka eon sa P1,000 ro bueanan nga pension nga mabaton it mga indigent senior citizen.

Posible eamang sigon nga maghimo it supplemental budget ro kongreso apang owa raya nakasueod sa pambansang pondo.

Rason indi anay sigon dapat mag-ekspektar ro mga katigueangan nga makaangkon sanda it increase.