KALIBO, Aklan — Nag-abot sa P45,000 ro danyos sa pagkasunog it sangka baeay bandang alas-11:10 it gabi-i it Biyernes, Hunyo 28 sa Brgy. Casit-an sa banwa it Libacao.
Suno kay FO1 Richard Magallanes, shift supervisor it Bureau of Fire Protection (BFP)-Libacao nga padayun pa ro imbestigasyon sa posibleng ginhalinan it sunog.
Ginasugid nga nag-agto eamang sa barangay Poblacion ro tag-ana it baeay nga si Romel Zante Zonio, apang sa anang pagbalik hay ugdaw eon ro andang gina-istaran.
Owa it anuman nga gamit nga nasalbar ro pamilya bangud mag-eowas nga owa it may nakapan-o sa insidente hay madasig ro pagkalhit it kaeayo .
Haeos 20 minutos ro inabot antes nga gindeklara ro fire out bandang alas-11:30 it gabi-i.
Bangud sa nabukid nga parte it lugar ag gabi-i natabo ro insidente, nalisdan sanda nga matapna ro kaeayo.
