Sangka eaeaki ro nagpaidaeum sa custody it mga airport police sa Chicago matapos kara nga buksan ro emergency exit it ginasakyan nga eroplano ag nagtikang sa pakpak kara samtang presenteng naga-andar.
Natabu ro insidente sa United Airlines flight 2478 samtang nagapa-landing ro eroplano sa O’Hare International Airport.
Suno sa mga kasakay it suspek, samtang nagapa-landing ro ginasakyan nanda nga eroplano kat gulping ginbuksan kara ro emergency exit ag nagtikang raya sa pakpak it aircraft.
Insigidanng ginpugngan it mga ground crew ro eaeaki ag ginpa-aresto raya sa mga airport police.
Owa it makahambae kon ham-an gin-obra raya it pasahero.
Sa interview sa mga airport police, ginpahayag it mga raya nga posibleng kasuhan it disorderly conduct, harassment, trespassing ag criminal mischief ro pasaway nga pasahero.
