sangka ginakabig nga “professional eater” sa Indiana, U.S.A. ro nakalista it bag-ong world record matapos nana nga maubos ro 21 kilos nga popcorn sa sueod eamang it waeong minuto!
Nakilaea ro “professional eater” nga si Joey Chestnut sa 15 beses nga pagdaog nana sa Nathan’s Hot Dog Eating Contest sa New York.
Makaron nga 2022, ginbaton nana ro hangkat it sangka popcorn eating challenge nga ginpatigayon sa Victory Field sa Indianapolis.
Sa sueod it eight minutes, nakaubos it 21 kilos nga popcorn si Chestnut ag napierde nana ro dating record nga 19 kilos ko 2021 sa Las Vegas.
Kat kutan-on si Chestnut kun ano ro anang strategy, ginpahayag kara nga ro anang waea nga alima ro tagabo-oe it popcorn ag tagapusa agud nga mag-igo ro maabu-an sa anang bibig.
Ro anang tuo nga alima ro tagabuyot it bote it tubi nga anang gina-inom.
Ro popcorn eating challenge ro ika-50 beses nga nadag-an nga eating challenge ni Chestnut.
