KALIBO, Aklan—Nagapaligos sa kaugalingon nga dugo ro sangka eaeaki samtang ginadaea sa Aklan Provincial Hospital matapos gin-eampusan it pinutoe nga botong sa Brgy. Tagas, Tangalan.
Ro biktima hay ginkilaea kay Libert Tiaga, 29-anyos, residente it nasambitan nga lugar samtang ro suspek hay ginkilaea eamang kay Alyas “Miyo’.
Natabo ro insidente sa baeay it suspek matapos rayang makipag-inuman sa biktima.
Una kara, nag-one on one sigon sa pag-inum ro magtimbang nga parte hasta nga nag-abot ro iba pang mga barkada.
Gina-alegar nga ginsupae sigon it biktima ro suspek rason sa nagbuoe raya it pintuoe nga botong ag gin-eampos sa biktima.
Sa makarun hay padayun pang ginabueong sa nasambitan nga ospital ro biktima para sa nagakaigo nga medikasyon samtang ro suspek hay presenteng nakakulong sa Tangalan PNP.
