BALITANG Espesyal —- Ginmalas nga mahueog sa buho sa sueod it sangka mall ro sangka eaeaking naga-text samtang nagatikang sa Turkey.
Apang sa pihak it natabu, maswerte gihapon imaw .
Makita sa bo-oe it CCTV ro sangka empleyado sa mall nga masako sa paghueog it mga package sa buho sa saeog.
Ro nasambit nga buho hay konektado gali sa storage kun sa siin ginabutang ag ginasaeansan ro mga package nga naka-kahon ag plastic.
Sangka eaeaki nga nagatext samtang nagatikang ro nag-abot .// dere-deretso raya nga nahueog sa buho.
Owa eagi imaw nataeupangdan it empleyado bangud nga nakatangda raya bangud nga ginatan-aw ro mga paketeng ginahueog halin sa ibabaw .
Sa mayad nga swerte ag sa mga kahon nga nakasaeansan nahueog ro eaeaking naga-text.
Rason nga nalikawan nga eubusan imaw nga nahueog sa saeog .
Eowas ro eaeaki ag owa it gin-angkon nga kahalitan .
